USAID-ის ეკონომიკური მმართველობის პროგრამის საგრანტო აქტივობის ფარგლებში საქართველოს ფინანსური ბაზრების ხაზინების ასოციაციამ ორგანიზაციული განვითარებისთვის თანამშრომლობა შვეიცარიელ კონსულტანტ ბრუნო ლანგფრიცსა და მარსელ ციმერმანთან დაიწყო.

აღნიშნული თანამშრომლობა ასოციაციის ორგანიზაციული სტრუქტურის და მმართველობის პროცესის გაუმჯობესებას, წევრთა რაოდენობის გაფართოებას და საერთაშორისო პარტნიორებთან თანამშრომლობის გაძლიერებას ისახავს მიზნად.

შვეიცარიელ კონსულტანტებს და ასოციაციას შორის პირისპირ შეხვედრები 3 - 7  ივლისს GFMTA-ის წევრი ფინანსური ინსტიტუტების, საქართველოს ეროვნული ბანკისა და USAID-ის ეკონომიკური მმართველობის პროგრამის წარმომადგენლების მონაწილეობით გაიმართა.

მისიის ფარგლებში, კონსულტანტები იმუშავებენ საერთაშორისო ფინანსური ინსტიტუტების საუკეთესო გამოცდილებების გაზიარებასა და ახალი საგანმანათლებლო პროგრამებისა და ტრენინგების დანერგვაზე, რაც ფინანსური ბაზრის წარმომადგენლების ცნობიერების ამაღლებასა და ასოციაციის ფინანსურ დამოუკიდებლობას უზრუნველყოფს.

გარდა ამისა, კონსულტანტები მონაწილეობას მიიღებენ GFMTA-ის წევრი კომერციული ბანკების მიერ გლობალური სავალუტო კოდექსის მიერთების პროცესში. საერთაშორისოდ აღიარებული სტანდარტების დაცვა, თავის მხრივ, ხელს შეუწყობს ძლიერი, სამართლიანი და გამჭვირვალე სავალუტი ბაზრის ფუნქციონირებას.